Ղազախստանի նախագահ Կասիմ-Ժոմարտ Տոկաևն ընդունել է հանրապետության կառավարության հրաժարականը՝ վարչապետ Ալիխան Սմաիլովի գլխավորությամբ։ Այդ մասին հայտնել է պետության ղեկավարի մամուլի ծառայությունը։
Սմայիլովը նախարարների կաբինետի ղեկավարի պաշտոնում նշանակվել է 2022 թվականի հունվարին և վերանշանակել 2023 թվականի մարտին՝ խորհրդարանի ստորին պալատի ընտրությունից հետո։
Նախագահի հրամանով «Ղազախստանի վարչապետի պարտականությունները ժամանակավորապես կստանձնի առաջին փոխվարչապետ Ռոման Սկլյարը»,- ասված է հաղորդագրության մեջ։
Միաժամանակ նախարարների կաբինետի անդամներին հանձնարարվել է շարունակել իրենց պարտականությունների կատարումը մինչև նոր կառավարության հաստատումը։
