Երկուշաբթի առավոտյան Պետդումա է ներկայացվել օրինագիծ, որով նախատեսվում է մի շարք հանցագործությունների, այդ թվում «Ռազմական կեղծիքների» համար բռնագրավվել դատապարտվածների գույքը՝ փող, թանկարժեք իրեր, որոնք «օգտագործվում կամ նախատեսված են Ռուսաստանի անվտանգության դեմ ուղղված հանցավոր գործունեությունը ֆինանսավորելու համար», ինչպես նաև պատվավոր կոչումները: Այդ մասին հայտարարել էր ՌԴ խորհրդարանի ստորին պալատի խոսնակ Վյաչեսլավ Վոլոդինը, որը ղեկավարում է օրենքի հեղինակների խումբը։
Նախագիծը պարունակում է մի քանի հոդված, այդ թվում՝ զինված ուժերի օգտագործման մասին ակնհայտ կեղծ տեղեկության տարածումը, ծայրահեղական գործունեության հրապարակային կոչերը, տարածքային ամբողջականության խախտման կոչերը և բանակի «վարկաբեկմանն» ուղղված գործողությունները: Դա կանդրադառնա նաև Ռուսաստանի և նրա քաղաքացիների դեմ պատժամիջոցներ կիրառելու կոչերի վրա, գրում է ՏԱՍՍ-ը։
«Վեդոմոստին» ավելի վաղ գրել էր, որ նոր պատիժը կանդրադառնա այդ հոդվածներով դատապարտվածների վրա, եթե նրանք գործել են եսասիրական նկատառումներով, այսինքն՝ ստացել են «գույքային կամ այլ նյութական օգուտներ»։
