Ռուսաստանի պաշտպանության նախարարությունից հայտնել են, որ այս գիշեր ուկրաինական կողմը ինքնաթիռային տիպի անօդաչու թռչող սարքերով հարվածներ է հասցրել ՌԴ տարածքին:
«Վորոնեժի մարզում ՀՕՊ-ի հերթապահ միջոցների կողմից խոցվել է հինգ դրոն, իսկ երեքը հաջողվել է որսալ։ Եվս չորսը հնարավոր է եղել որսալ Բելգորոդի շրջանի երկնքում»,- նշված է հաղորդագրության մեջ:
Վորոնեժի նահանգապետ Ալեքսանդր Գուսևը հայտնել է, որ Վորոնեժում, նախնական տվյալներով, երեք բազմաբնակարան շենքերում 35 բնակարան է վնասվել:
Գուսևը հավելել է, որ տեղի դպրոցի տարածքում տուժած բնակարանների բնակիչների համար ժամանակավոր տեղավորման կետ է բացվել: Նրա տվյալով՝ տեղում աշխատում են հատուկ ծառայությունները:
Նշվում է, որ տուժել է 10-ամյա աղջիկ, նրան օգնություն են ցուցաբերել տեղում:
