Ռուսաստանի զինված ուժերը կատարել են 2023 թվականի հիմնական խնդիրը՝ հայտարարել է Ռուսաստանի պաշտպանության նախարար Սերգեյ Շոյգուն։
«Այս տարի հիմնական ջանքերը կենտրոնացած էին հատուկ ռազմական գործողության նպատակներին հասնելու վրա, հիմնական խնդիրը ուկրաինական կողմի հակահարձակումը խափանելն էր, ինչի մասին հայտարարվել էր Ուկրաինայի, ՆԱՏՕ-ի և դրա դաշնակիցների կողմից: Այս խնդիրը հաջողությամբ իրականացվել է»,- հայտարարել է նա:
Շոյգուն ընդգծել է, որ խնդիրն իրագործվել է արդյունավետորեն կառուցված պաշտպանական գծերի, տեխնիկայի հուսալիության և զինծառայողների վճռական գործողությունների շնորհիվ։
Ռուսական կողմը ավելի ու ավելի շահեկան դիրքեր է գրավում և ընդլայնում է իր վերահսկողության տակ գտնվող տարածքները՝ ընդգծել է Ռուսաստանի ՊՆ ղեկավարը։
