Ռուսաստանի կառավարությունը երկարաձգել է Եվրամիությունից, Մեծ Բրիտանիայից, Նորվեգիայից և Ուկրաինայից բեռնատարների մուտքի արգելքը։ Այն ուժի մեջ կմնա «մինչև դրա կիրառման համար հիմք հանդիսացած հանգամանքների վերացումը»։
Բացառություն է արվելու փոստային առաքումների, դիվանագիտական փոստի և մարդասիրական օգնության փոխադրման համար։ Սահմանափակումը չի տարածվի նաև տեխնիկական աջակցության բեռնատար տրանսպորտային միջոցների վրա, որոնք սարքավորումներ և սպորտային մեքենաներ են տեղափոխում մարզական մրցումների անցկացման վայրեր:
Արգելքը մտցվել է 2022 թվականին՝ ի պատասխան ԵՄ որոշման՝ թույլ չտալու ռուսական և բելառուսական համարանիշներով բեռնատարների մուտքը Միության տարածք:
