«Ճանապարհային դեպարտամենտը» կոչ է անում խնամքով վերաբերվել երթևեկության անվտանգությունն ապահովող տարրերին

Ճանապարհները սպասարկող կազմակերպությունների կողմից պարբերաբար արձանագրվում են ճանապարհային նշանների‚ անվտանգության այլ տարրերի անհետացման‚ վնասման դեպքեր։ Այս մասին հայտնում է «Ճանապարհային դեպարտամենտ» հիմնադրամը` ՀՀ քաղաքացիներին կոչ անելով խնամքով վերաբերվել երթևեկության անվտանգությունն ապահովող տարրերին, քանի որ դրանց բացակայությունը կարող է ստեղծել վթարավտանգ իրավիճակներ՝ հանգեցնելով անդառնալի հետևանքների։