Հազվագյուտ սև անգղը տեղափոխվել է վերականգնողական կենտրոն. ԲԸՏՄ
Բնապահպանության և ընդերքի տեսչական մարմնից հայտնում են, որ Գեղարքունիքի մարզի Մարտունի բնակավայրում նկատվել է հյուծված գիշատիչ թռչուն:
ԲԸՏՄ Գեղարքունիքի տեսուչները պարզել են, որ թռչունը հանդիսանում է ՀՀ Կարմիր գրքում և Բնության պահպանության միջազգային միության Կարմիր ցուցակում ընդգրկված հազվագյուտ տեսակի սև անգղի առանձնյակ (լատ.՝Aegypius monachus), որն անմիջապես տեղափոխվել է Երևան՝ կենդանիների և թռչունների համար նախատեսված վերականգնողական կենտրոն:
Գիշատիչ թռչնի արտաքին զննությամբ վնասվածքներ չեն հայտնաբերվել, իրականացվում են լաբորատոր ախտորոշիչ հետազոտություններ և բուժում:
