ԼՂ ներկայացուցչության մոտ հարվածներ հասցնելու, ավտոմեքենան վնասելու, սրահից խոշոր գումարի անհետացման և պետհամարանիշ վերցնելու վերաբերյալ նախաձեռնվել է քրեական վարույթ

Քննչական կոմիտեն հաղորդում է ստացել Երևանում Լեռնային Ղարաբաղի ներկայացուցչության բակում հավաքված անձանց մասնակցությամբ քաշքշոցի, մեկ անձի հարվածներ հասցնելու, մոտակայքում գտնվող Toyota մակնիշի ավտոմեքենան վնասելու, ավտոմեքենայի սրահի պահոցից խոշոր գումարի անհետացման, բջջային հեռախոս և պետհամարանիշ վերցնելու վերաբերյալ:

Դեպքի առթիվ նախաձեռնվել է քրեական վարույթ՝ ֆիզիկական ներգործության, մի խումբ անձանց կողմից խուլիգանության, գողության, փաստաթղթեր կամ տրանսպորտային միջոցի պետհամարանիշներ հափշտակելու, վնասելու կամ թաքցնելու հոդվածներով: