Ադրբեջանը ԼՂ քաղաքացիական բնակչության դեմ տեղեկատվական ահաբեկչություն է իրականացնում. ԼՂ ՄԻՊ
Լեռնային Ղարաբաղի Մարդու իրավունքների պաշտպանի աշխատակազմը բազմաթիվ ահասարսուռ հաղորդումներ է ստանում քաղաքացիական բնակչության դեմ ակտիվորեն իրականացվող ադրբեջանական տեղեկատվական ահաբեկչության վերաբերյալ:
«Ադրբեջանական տելեգրամյան ալիքները խրախուսում են Արցախում անհետ կորած մարդկանց գտնել, սպանել, խոշտանգել և բռնաբարել՝ անգամ դրա դիմաց գումար առաջարկելով: Անհետ կորածների հարազատներից շատերը, ովքեր արդեն գտնվում են հոգեբանական խոցելի վիճակում, ահազանգում են, որ Ադրբեջանն ահաբեկում է իրենց և սպառնում զանգերով ու տեքստային հաղորդագրություններով:
Սա հայատյացության և էթնիկ ատելության ևս մեկ դրսևորում է, որը միայն ապացուցում է, որ քաղաքացիական բնակչությունն անվտանգության որևէ երաշխիք չի ունենա, եթե այն հանձնվի Ադրբեջանի վերահսկողությանը»,- նշված է ԼՂ ՄԻՊ գրասենյակի X-ի (նախկին Twitter) իր միկրոբլոգում:
The Office of the Human Rights Defender is receiving multiple terrifying reports about Azerbaijani information terror actively conducted against the civilian population of Artsakh. Azerbaijani telegram channels encourage people to find, kill, torture, and rape the missing persons… pic.twitter.com/k56rt04Dqx
— Artsakh / Nagorno-Karabakh Human Rights Ombudsman (@ArtsakhOmbuds) September 22, 2023
