Mirzoyan-Lavrov görüşündə regionda təhlükəsizliklə bağlı məsələlər müzakirə olunub

Mayın 19-da ER xarici işlər naziri Ararat Mirzoyan Moskvada Rusiyanın xarici işlər naziri Sergey Lavrov ilə görüşüb.

ER XİN məlumat verir ki, regionda sabitlik və təhlükəsizliklə bağlı məsələlər, Ermənistan və Azərbaycan arasında münasibətlərin tənzimlənməsi prosesi müzakirə olunub.

Tərəflər Ermənistan, Rusiya və Azərbaycan liderlərinin üçtərəfli bəyanatlarının icrasına toxunublar. Bu kontekstdə Ararat Mirzoyan Laçın dəhlizinin qeyri-qanuni blokadasının aradan qaldırılmasının vacibliyini vurğulayıb.

Nazir Mirzoyan danışıqlar prosesinə paralel olaraq güc tətbiqi və ya güc tətbiq etmə təhdidinin istisna edilməsinin vacibliyini vurğulayıb.

Görüş zamanı Ermənistan və Rusiya arasında ikitərəfli əməkdaşlıq gündəliyinə toxunulub.