ABŞ dövlət katibinin Avropa məsələləri üzrə köməkçisi Karen Donfrid ABŞ-Ermənistan münasibətlərinə toxunub. O qeyd etdi ki, Amerika ilə Ermənistan arasında ikitərəfli münasibətləri heç vaxt bu qədər sıx olmayıb
“Biz təhlükəsizlik sahəsində tərəfdaşlığı genişləndirmək, insanlar arasında əlaqələri dərinləşdirmək, demokratik və iqtisadi inkişaf sahəsində əməkdaşlığımızı genişləndirmək yollarını axtarmağa davam edirik. Biz 2022-ci ilin mayında Vaşinqtonda əsas dialoq tədbirini, o cümlədən dövlət katibi Blinken və xarici işlər naziri Mirzoyan arasında çox müsbət görüş keçirdik.
O zaman biz nüvə əməkdaşlığı sahəsində anlaşma memorandumu imzaladıq, bu da Ermənistanın enerji suverenliyinin möhkəmlənməsinə və nüvə enerjisi sahəsində Ermənistan-Amerika əməkdaşlığının güclənməsinə töhfə verə bilər”,- deyə o qeyd etdi.
