"Sərhədsiz reportyorlar" Azərbaycanda fevralın 16-da reportyorların saxlanılmasını araşdırmağa çağırıb

“Sərhədsiz reportyorlar" hərbçilərin valideynlərinin Azərbaycanda prezident administrasiyasının qarşısında keçirdiyi etiraz aksiyasını işıqlandıran reportyor Fatimə Mövlamlı və “Azel” TV saytının həbsdə olan redaktorunun xanımı Sevinc Sadıqovanın polis tərəfindən saxlanılmasını araşdırmağa çağırıb.

Təşkilatın “Twitter”indəki yazısında "polisin şokedici hərəkəti”nin operativ və şəffaf araşdırılmasına çağırılır.

Xatırladaq ki, söhbət qeyri-döyüş şəraitində həlak olmuş hərbçilərin valideynlərindən ibarət qrupun fevralın 16-da keçirdiyi etiraz aksiyasından gedir.