Ermenihaber xəbər verir ki, Türkiyədəki Cümhuriyyət Xalq Partiyası sədrinin müavini, partiya spikeri Faik Öztrak, Ərdoğan rəhbərliyinin maliyyə və iqtisadi siyasətini tənqid edərək, Türk lirəsinin 19 gün ərzində dollara nisbətdə 6% ucuzlaşdığını qeyd edib.
Ona görə, Ərdoğanın vədləri yalnız bir xəyaldır, heç yarısı belə yerinə yetirilmir.
"Hökumət 2023-ci ilin məqsədlərindən danışmağa davam edir, amma nə olduğunu söyləmirlər. On il əvvəl, yerli seçkilər ərəfəsində Ərdoğan 2 trilyon dollarlıq milli gəlir, adam başına düşən 25 min dollar gəlir, 500 milyard dollar ixracat və 5% işsizlik vəd edirdi. Eyni zamanda, orta müddətli proqrama görə, 2023-cü ildə milli gəlir 925 milyard dollar, adambaşına düşən gəlir 10.703 dollar, ixrac 242 milyard dollar, işsizlik isə 11.4% təşkil edəcək”, - Öztrak qeyd edib.
