Vahan Kerobyan İranın Ermənistandakı səfiri ilə görüşüb

ER İqtisadiyyat naziri vəzifəsini icra edən Vahan Kerobyan İran İslam Respublikasının Ermənistan Respublikasındakı fövqəladə və səlahiyyətli səfiri Abbas Bədəxşan Zohurini qəbul etdi.

Vahan Kerobyan qeyd etdi ki, son vaxtlar İranla sıx əməkdaşlıq daha da aktivləşdi. Ermənistana səfər edən nümayəndə heyətləri ilə iqtisadiyyatın müxtəlif istiqamətlərində əməkdaşlığın genişləndirilməsi ilə bağlı bir sıra razılaşmalar əldə edildi.

Nazir səlahiyyətlərini icra edən Vahan Kerobyan vurğuladı ki, birgə proqramlar və təşəbbüslərin ən qısa müddətdə tətbiq olunması çox vacibdir Səfir cavab olaraq bildirdi ki, İran tərəfinin artıq proqramların həyata keçirilməsi üçün yol xəritəsini hazırladı. 

Görüş zamanı tərəflər ticarət, sənaye (kimya sənayesi daxil olmaqla), əczaçılıq, turizm və digər sahələr, o cümlədən perspektivli proqramların icrası, investisiyaların cəlb edilməsi, Ermənistan və İran arasında ixrac və idxalın effektiv təşkili ilə bağlı məsələləri  müzakirə etdilər.

İki ölkə arasında bölgələrarası əməkdaşlığın inkişafına xüsusi diqqət yetirilmişdir. Abbas Bədəxşan Zohuri bildirdi ki, İran inşaat şirkətləri Şimal-Cənub yolunun Sisyan-Kacaran yol hissəsinin tikinti və bərpa proqramlarında iştirak etməkdə maraqlıdırlar. 

Görüşdə Vahan Kerobyan "Fars Körfəzi-Qara Dəniz" beynəlxalq nəqliyyat dəhlizi layihəsinin əhəmiyyətini vurğuladı və səlahiyyətləri daxilində layihənin həyata keçirilməsinə töhfə verməyə hazır olduğunu bildirdi.