Ermənistanda daha 510 nəfər COVID-19-a yoluxub, 873 nəfər sağalıb

Aprelin 12-nə olan məlumatlara əsasən, Ermənistanda son sutkada 510 nəfər COVID-19-a yoluxub, 873 nəfər sağalıb.

Bu barədə məlumatı ER Səhiyyə Nazirliyi yayıb.

Pandemiya ərzində ölkədə koronavirusa ümumilikdə 203327 yoluxma qeydə alınıb.

Koronavirusdan ölənlərin ümumi sayı 3753 nəfərə çatıb. COVID-19 diaqnozu qoyulmuş, ancaq başqa səbəbdən ölənlərin sayı isə 953 nəfərdir.

Koronavirusdan sağalanların ümumi sayı 182836 nəfərə yüksəlib.

Hazırda 15785 aktiv koronavirus xəstəsinin müalicəsi davam etdirilir. İndiyədək  906177  test aparılıb.