Avropa Parlamentinin fransalı deputatı Fransua-Ksave Bellami “Yerablur” hərbi panteonunu ziyarət edib. “Analitikaua”-ya əsasən, bunu Fransanın Ermənistandakı Fövqəladə və səlahiyyətli səfiri Conatan Lakot bildirb.
“Həmişə “Yerablur”u ziyarət edirəm. Bu dəfə Avropa Parlamentinin üzvü Fransua-Ksave Bellami ilə ziyarət etdik. Bu sonsuz qəbiristanlıqda əsasən 18-19 yaşlarında olan Qarabağ müharibəsi zamanı həlak olan hərbçilərin məzarlarıdır”- deyə səfir “Facebook” səhifəsində yazıb.
Lakotanın sözlərinə görə, Avropa Parlamentinin deputatı ermənilərin məzarlarına baxaraq deyib: "Müharibə olduğunu başa düşmək üçün Avropa bunu görməlidir".
Bundan əvvəl Fransua-Ksave Bellami, Erməni Soyqırımı qurbanlarının xatirəsini yad etmək üçün Tsitsernakaberd memorial kompleksini ziyarət edib və Ermənistanın Xİ naziri Ara Ayvazyan ilə görüşüb. Xarici işlər naziri ilə Dağlıq Qarabağdakı müharibədən sonra bölgədəki vəziyyəti müzakirə edilib.
