Roma Papası haqqında filmdə Erməni Soyqırımının tanınmasına yönəlmiş səylərindən də bəhs ediləcək

Roma Papası Francis haqqında "Francesco" filmi 28 martdan DiscoveryPlus xidməti vasitəsi ilə nümayiş olunacaq. Filmin rejissoru, 2016-cı ildə sənədli filmlər kateqoriyasında Oskara namizəd olan Evgeni Afinyevskidir. Filmin prodüseri isə, Kaliforniya Universitetinin (UCLA) David Geffen adına Tibb Mərkəzinin həmsədri və prodüser Erik Esrailyandır.

“Papa Francis, Erməni Soyqırımı Muzeyində dua edərkən, dünyanın diqqətini yenidən Ermənistana yönəldərkən orada olmağım mənim üçün böyük şərəf idi. Bu bazar günü DiscoveryPlus-da “Francesco” filmini izləyin və Erməni Soyqırımının tanınmasında onun göstərdiyi səylər barədə öyrənin. 

ABŞ Senatı, Nümayəndələr Palatası, Konqres Kitabxanası və xəbərdar dünya, on illər boyunca davam olunan inkar siyasətinə baxmayaraq, bu gün tarixi həqiqətləri tanıyır. Konqres üzvləri hazırda ABŞ prezidenti Co Baydeni Erməni Soyqırımını tanımağa çağırırlar”,-deyərək Esrailyan  #KeepThePromise heştegi yazdı.