Ermənistanda daha 818 nəfər COVID-19-a yoluxub, 277 nəfər sağalıb

Ermənistanda son sutkada daha 818 nəfər COVID-19-a yoluxub, 277 nəfər isə infeksiyadan sağalıb. Ermənistanda virusa yoluxanların ümumi sayı 177104-ə çatıb. Məlumatı Ermənistan Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.

Ermənistanda pandemiyadan ölənlərin sayı 3 243-ə yüksəlib. COVID-19 diaqnozu qoyulmuş, ancaq başqa səbəbdən ölənlərin sayı isə 835 nəfərdir. İndiyədək 165718 pasiyent infeksiyadan sağalıb. Hazırda 7308 aktiv koronavirus xəstəsi var. Ümumi olaraq 765879 test aparılıb.