Ermənistanın iqtisadiyyat naziri Gevorq Papoyan oktyabrın 30-da, COP17-nin son günündə konfrans çərçivəsində fəaliyyət göstərən Ermənistan İqtisadiyyat Nazirliyinin yaşıl pavilyonunu ziyarət edib. Ziyarətdə nazir müavini Tiqran Qasparyan da iştirak edib. Bu barədə İqtisadiyyat Nazirliyindən məlumat verilib.
Ziyarət zamanı nazirə bildirilib ki, COP17-nin keçirildiyi 15 gün ərzində nazirliyin pavilyonuna 4 mindən çox ziyarətçi gəlib. Ziyarətçilər arasında əməkdaşlıq təklifləri irəli sürən xarici qonaqlar da olub.
Tədbir çərçivəsində 30-dan çox Ermənistan şirkətinin nümayəndələri nazirliyin pavilyonunda öz məhsullarını təqdim etmək imkanı əldə ediblər. Yerli məhsulların dequstasiyası da təşkil olunub.
Nazir digər pavilyonları da gəzib, biznes sahəsinin nümayəndələri ilə görüşüb, onların fəaliyyəti ilə tanış olub və onları maraqlandıran sualları cavablandırıb.
