Oktyabrın 16-da COP17 çərçivəsində Türkiyə Respublikasının kənd təsərrüfatı və meşə təsərrüfatı naziri İbrahim Yumaklı ilə görüşmüşəm. Bu barədə iqtisadiyyat naziri Gevorq Papoyan Feysbuk səhifəsində yazıb.
“Ermənistan və Türkiyə arasında birbaşa ticarətin qurulması nəticəsində açılan imkanları müzakirə etmişik.
Sanitar və baytarlıq nəzarətinə tabe olan malların daşınması və tranziti prosedurlarına da toxunmuşuq.
Həmçinin qarşılıqlı maraq doğuran və iqtisadi gündəmlə bağlı bir sıra digər məsələlər ətrafında fikir mübadiləsi aparmışıq”, - deyə nazir qeyd edib.
