Kolumbiyanın yeni seçilmiş prezidenti Abelardo de la Esperanza büdcənin azaldılması kampaniyasının bir hissəsi olaraq, Azərbaycan da daxil olmaqla, dünyanın ən azı 15 səfirliyinin bağlanacağını açıqlayıb.
Kolumbiyanın Əlcəzair, Kuba, Çexiya, Efiopiya, Qana, Haiti, Macarıstan və digər ölkələrdəki səfirlikləri bağlanacaq. Yeni lider həmçinin Fələstində Kolumbiya səfirliyinin açılması prosesini dayandıracağını təsdiqləyib.
Prezident bildirib ki, diplomatik nümayəndəliklərin bağlanması prosesinə o, vəzifəyə başladıqdan sonra başlanacaq.
Abelardo de la Esperanza bu ilin iyun ayında Kolumbiyada keçirilən prezident seçkilərində qalib gəlib. O, rəsmi olaraq 7 avqustda vəzifəsinin icrasına başlayacaq.
