Rusiya Ukraynadakı nizamlanmanı dəstəkləməyə hazır olduğuna görə Türkiyəyə minnətdardır: Peskov
Rusiya Ukraynadakı münaqişənin sülh yolu ilə həlli yolunun axtarışını dəstəkləməyə hazır olduğuna görə Türkiyəyə minnətdardır.
Bu barədə Rusiya prezidentinin mətbuat katibi Dmitri Peskov Türkiyə xarici işlər naziri Hakan Fidanın Ankaranın Rusiya ilə Ukrayna arasında danışıqları təşkil etməyə davam edəcəyi və münaqişənin həlli üçün aktiv diplomatiya aparacağı barədə sözlərinə münasibət bildirərkən bildirib.
Kreml sözçüsü həmçinin Ukrayna məsələsi ilə bağlı danışıqların Türkiyənin vasitəçiliyi ilə bərpa edilməsi ehtimalını qiymətləndirib.
"Biz türk dostlarımızı Ukraynadakı vəziyyətdən sülh yolu ilə çıxmağa töhfə verməyə hazır olduqlarından yaxşı xəbərdarıq. Bunun üçün Türkiyə tərəfinə minnətdarıq", - deyə Peskov bildirib və əlavə edib ki, danışıqlar prosesinin bərpası üçün hələ heç bir perspektiv yoxdur.
