Ermənistanın baş nazirinin mətbuat katibi Nazeli Bağdasaryan mayın 9-da Moskvada Ermənistanın baş naziri Nikol Paşinyan, Rusiya prezidenti Vladimir Putin və Azərbaycan prezidenti İlham Əliyevin iştirakı ilə üçtərəfli görüşün keçiriləcəyi ilə bağlı mətbuatda yayılan xəbərləri təkzib edib.
“Mayın 9-da Paşinyan-Putin-Əliyev üçtərəfli formatında planlaşdırılan görüş yoxdur”, - Nazeli Bağdasaryan “Armenpress”ə müsahibəsində mayın 9-da Moskvanın Qırmızı Meydanında keçiriləcək illik paraddan əvvəl Rusiya prezidenti Vladimir Putinin Ermənistanın baş naziri Nikol Paşinyan və Azərbaycan prezidenti İlham Əliyevlə görüşəcəyi barədə daha əvvəl mətbuatda yayılan məlumata istinadən bildirib.
Ermənistanın baş naziri Nikol Paşinyan martın 14-də Rusiya prezidenti Vladimir Putinlə telefon danışığı zamanı Rusiya prezidentinin dəvətini qəbul etdiyini və mayın 9-da Moskvada keçiriləcək bayram tədbirlərində iştirak edəcəyini təsdiqləyib.
