Martın 31-də Ermənistanın Fransadakı səfiri Arman Xaçatryan Fransanın keçmiş prezidenti Nikola Sarkozi ilə görüşüb. Bu barədə Ermənistanın Fransadakı səfirliyi məlumat yayıb.
Səfir Xaçatryan Ermənistan və Fransa arasında münasibətlərin dərinləşməsinə və iki xalq arasında dostluğun möhkəmlənməsinə verdiyi töhfəyə və davamlı sadiqliyinə görə prezident Sarkoziyə təşəkkür edib.
Görüş zamanı tərəflər mövcud beynəlxalq geosiyasi vəziyyəti və xüsusilə Cənubi Qafqazda baş verən son inkişafları ətraflı müzakirə ediblər.
