Ermənistan və Fransa arasında parlamentlərarası və müdafiə sahələrində əməkdaşlığın dərinləşdirilməsi məsələləri müzakirə olunub Martın 27-də Ermənistanın Fransadakı səfiri Arman Xaçatryan Fransa Milli Assambleyasının Milli Müdafiə və Silahlı Qüvvələr Komitəsinin sədri Jan-Mişel Jak ilə görüşüb. Bu barədə Ermənistanın Fransadakı səfirliyi məlumat yayıb.
Səfir Xaçatryan həmsöhbətə son regional hadisələri təqdim edərək, “Ermənistan və Azərbaycan arasında sülh və dövlətlərarası münasibətlərin qurulması haqqında” Sazişin mətninin yekunlaşdığını və Ermənistan hökumətinin davamlı sülhə nail olmaq üçün davam edən səylərini vurğuladı.
Görüş zamanı tərəflər Ermənistan və Fransa arasında parlamentlərarası və müdafiə sahələrində əməkdaşlığın daha da dərinləşdirilməsi perspektivləri ilə bağlı məsələləri müzakirə ediblər.
