Vaşinqton Yerevan və Bakı ilə tərəflər üçün irəliləyişi təmin edəcək istənilən formatda işləməyə hazırdır: Dövlət Departamenti
ABŞ Dövlət Departamenti “Amerikanın səsi”nin erməni xidmətinin sorğusuna cavab olaraq vurğulayıb ki, Vaşinqton Yerevan və Bakı ilə tərəflər üçün irəliləyişi təmin edə biləcək istənilən formatda işləməyə hazırdır.
“Birləşmiş Ştatlar hökuməti Cənubi Qafqazın təhlükəsiz və firavan olması üçün vacib olan davamlı və ləyaqətli sülh sazişinin əldə edilməsi istiqamətində Ermənistan və Azərbaycanın səylərini dəstəkləyir.
Biz hər iki tərəflə hər iki tərəfin irəliləyiş əldə edə biləcəkləri barədə razılığa gələ bildiyi istənilən formatda işləməyə hazırıq”, - Dövlət Departamentindən bildiriblər.
