ABŞ-ın yeni seçilmiş prezidenti Donald Tramp Rusiya prezidenti Vladimir Putinin Ukraynadakı müharibəni müzakirə etmək üçün onunla görüşmək arzusunda olduğunu bildirib. Amerikanın CNBC kanalı Trampın dekabrın 22-də Arizonada tərəfdarları qarşısında çıxışı zamanı verdiyi bəyanatdan sitat gətirib: “Prezident Putin mənimlə tez bir zamanda görüşmək istədiyini söylədi”.
Tramp Putinlə görüşə hazır olduğunu açıqlayıb, lakin hələ də gözləməli olacağı barədə xəbərdarlıq edib. O, bir daha vurğuladı ki, o vaxt ABŞ prezidenti olsaydı, Ukrayna böhranı baş verməzdi.
Dekabrın 19-da Rusiya prezidenti əmin olduğunu bildirib ki, əgər o, yeni seçilmiş prezident Trampla görüşsə, onların danışacaqları bir şey olacaq.
