Rusiya Ermənistanla Azərbaycan arasında münasibətlərin normallaşması üçün hər şeyi edir: Putin
Rusiya Ermənistanla Azərbaycan arasında münasibətlərin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bunu Rusiya prezidenti Vladimir Putin bildirib.
“Ermənistan və Azərbaycanla əməkdaşlığımız eyni ruhda qurulur. Biz Azərbaycan-Ermənistan münasibətlərinin normallaşması, Zaqafqaziyada sabit sülhün təmin olunması üçün hər şeyi etmişik və edirik.
Bundan sonra biz 2020-2022-ci illərdəki yüksək səviyyəli məlum üçtərəfli sazişlərə uyğun olaraq sülh müqaviləsinin bağlanması, dövlət sərhədinin demarkasiyası, iqtisadi və nəqliyyat əlaqələrinin açılmasını dəstəkləməyə davam edəcəyik”, - Kreml rəhbəri dedi.
Putin Kazanda BRİCS çərçivəsində Paşinyan-Əliyev söhbətinə də toxunub.
