Avropa İttifaqı Gürcüstanda baş verən hadisələrə cavab verməyə hazırdır. “Gürcü arzusu” mövcud siyasətlə davam edərsə, Aİ viza liberallaşdırılmasının müvəqqəti dayandırılması da daxil olmaqla bütün variantları nəzərdən keçirəcək. Bu barədə “Politico” jurnalı Avropa Komissiyasının sözçüsü Piter Stanoya istinadən yazıb.
“Aİ-Gürcüstan arasında viza rejiminin liberallaşdırılması dialoqu və müvafiq fəaliyyət proqramı çərçivəsində Gürcüstan fundamental insan hüquqlarının qorunması və ayrı-seçkiliyin qarşısının alınması da daxil olmaqla müəyyən standartları yerinə yetirməyə borclu idi”․
2017-ci ildə imzalanmış vizanın liberallaşdırılması sazişinə əsasən, Gürcüstan vətəndaşları viza almadan Aİ-də üç aya qədər qala bilər.
