Rusiya Təhlükəsizlik Şurasının katibi Sergey Şoyqu sentyabrın 13-də Şimali Koreyaya səfər edib.
Bu barədə Rusiya Təhlükəsizlik Şurasından məlumat verilib.
“Sentyabrın 13-də Rusiya Təhlükəsizlik Şurasının katibi Sergey Şoyqunun rəhbərlik etdiyi nümayəndə heyəti Pxenyana səfər edib. Ölkələrimiz arasında davam edən strateji dialoq çərçivəsində koreyalı həmkarları ilə ikitərəfli və beynəlxalq gündəliyin geniş spektri üzrə əsaslı fikir mübadiləsi aparılıb”, - məlumatda qeyd olunub.
Məlumata görə, Şoyqu Şimali Koreya lideri Kim Çen İnlə də görüşüb.
