Almaniya kansleri Olaf Şolts Avropa siyasi ictimaiyyətinin sammiti çərçivəsində Londonda keçirilən görüşlərə toxunub.
“Ermənistanın baş naziri cənab Paşinyan və Azərbaycan prezidenti cənab Əliyevlə söhbət mənim üçün vacib idi. Bu il bu region üçün son dərəcə əhəmiyyətlidir. Tərəflər aktiv və cəsarətli addımlar atmağa davam edərsə, bu, sülh ilinə çevrilə bilər”, - Şolts bildirib.
Onun sözlərinə görə, Avropa sülhün bərqərar olması yolunda Ermənistan və Azərbaycanı dəstəkləyəcək. Şoltsun sözlərinə görə, "bu, uzun müddət davam edəcək və qonşu ölkələr üçün uzunmüddətli yaxşı əməkdaşlığı təmin edəcək".
