Kreml sözçüsü Dmitri Peskov bildirib ki, Moskvanın hazırda Ukrayna ilə danışıqlar prosesinə başlamaq üçün heç bir əsası yoxdur, çünki Kiyev bütün qapıları bağlayıb.
“Biz xüsusi hərbi əməliyyat vasitəsilə məqsədlərimizə çatmağa davam edirik”, - Dmitri Peskov bildirib.
O vurğulayıb ki, müharibənin bütün məqsədlərinə nail olmaq Moskvanın əsas prioritetidir.
Peskov xəbərdarlıq edib ki, Ukraynaya istənilən hərbi tədarük eskalasiyanın yeni mərhələsi demək olacaq.
“Rusiya buna hazırdır, bizim əks tədbirlərimiz var”, - Kreml sözçüsü bildirib.
