Azərbaycanın dövlət məmurlarına qarşı sanksiyalar haqqında qanun layihəsi ABŞ Konqresinə təqdim edilib

ABŞ qanunvericilərinin ikipartiyalı qrupu  insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib.

Sənədin müəllifləri konqresmenlər Dina Titus və Qas Bilirakisdir. Bu, Azərbaycana qarşı sanksiyalar haqqında ilk qanun layihəsidir. Sənədə Konqresin 21 üzvü də qoşulub: Eleanor Holms Norton, Tom Mak Klintok, Cenis Şakovski, Nikol Malliotakis və digərləri.

Qanun layihəsi Bayden administrasiyasından Qlobal Maqnitski Qanunu və ABŞ-ın digər qanunlarına uyğun olaraq 180 gün ərzində 44 məmura qarşı sanksiyalar barədə qərar qəbul etməyi tələb edəcək.   

Qanun layihəsinin yekun variantında 41 yox, 44 azərbaycanlı məmur var. 41 məmurun adı daha öncə açıqlanıb, üç nəfərin adı hələlik məlum deyil.

“Artsaxda ermənilərə qarşı etnik təmizləmə, eləcə də həmin ölkədə siyasi müxalifətə qarşı amansız repressiyalarla əlaqədar Azərbaycanın 44 məmuruna qarşı tədbirlərin görülməsi planlaşdırılır. ABŞ Erməni Soyqırımı məsələsində sərt mövqe tutmalıdır”, - Titus X mikrobloqunda yazıb.