Rusiya prezidenti Vladimir Putin və Ermənistanın baş naziri Nikol Paşinyan yaxın vaxtlarda mümkün şəxsi təmas zamanı cari məsələləri müzakirə edə biləcəklər. Bu barədə jurnalistlərə Rusiya prezidentinin mətbuat katibi Dmitri Peskov məlumat verib.
Kremlin sözçüsü Yerevanın 102-ci Rusiya hərbi bazasının Ermənistandan çıxarılmasını tələb edəcəyi ilə bağlı naragatlığın olub-olmaması ilə bağlı suala belə cavab verib.
"Biz gözləyirik ki, yaxın vaxtlarda prezident Putin və baş nazir Paşinyan bunu və lazım gələrsə, digər təcili məsələləri şəxsən müzakirə etmək imkanı əldə edəcəklər", - deyə Peskov bildirib.
Aprelin 20-də Paşinyan bəyan edib ki, Rusiya sərhədçilərinin bazaları bu ərazilərdə Ermənistan və Azərbaycan sərhədlərinin delimitasiyası və sonradan demarkasiyası aparıldıqdan sonra Tavuş rayonunun sərhəd zonasından çıxarılacaq.
