BMT-nin baş katibi sərhədlərin delimitasiyası ilə bağlı Ermənistan və Azərbaycanın əldə etdiyi razılaşmanı alqışlayır
BMT baş katibinin mətbuat katibi Stefan Dujarik Ermənistanla Azərbaycan arasında sərhədin delimitasiyası məsələsi ilə bağlı açıqlama verib.
“Baş katib Ermənistanla Azərbaycan arasında münasibətlərin normallaşmasını diqqətlə izləyir. O, aprelin 19-da Ermənistan və Azərbaycanın müvafiq komissiyalarının sərhədin delimitasiyasına dair əldə etdiyi razılaşmanı alqışlayır. BMT-nin baş katibi tərəfləri sərhədin qalan hissələrinin delimitasiyası və demarkasiyasını davam etdirməyə və münasibətləri tam şəkildə tənzimləmək üçün bütün mövcud ikitərəfli məsələləri həll etməyə çağırır”, - deyə məlumatda bildirilir.
