Türkiyə prezidentinin müşaviri ilə ABŞ dövlət katibinin müavini Ermənistan və Azərbaycanla bağlı məsələləri müzakirə ediblər
Türkiyə prezidentinin xarici siyasət və təhlükəsizlik məsələləri üzrə baş müşaviri Akif Çağatay Kılıç ABŞ dövlət katibinin siyasi məsələlər üzrə müavini Con Bassı qəbul edib.
Türkiyə-ABŞ münasibətləri, İsrailin Qəzza zolağındakı hərəkətləri, Ukraynadakı vəziyyət, İran və İsrail ətrafında baş verən son hadisələr müzakirə edilib. Ermənistanla Azərbaycan arasında münasibətlərə də toxunulub.
