Բանակցություններին զուգահեռ շարունակվում են ռազմական գործողությունները: Ռուսական կողմն Ուկրաինայի ուղղությամբ մոտ 90 անօդաչու թռչող սարք է արձակել, հիմնական թիրախում եղել է Օդեսայի մարզը: Վնասվել են էներգետիկ օբյեկտներ, բռնկվել են հրդեհներ: Մեկ մարդ վիրավորվել է: Ժիտոմիրի մարզում ԱԹՍ-ի հարվածից բեռնատար գնացքը դուրս է եկել ռելսերից: Անձնակազմի երկու անդամ վնասվածքներ է ստացել:
Ռուսաստանն էլ հայտնել է ուկրաինական 41 ԱԹՍ խոցելու մասին: Կրասնոդարի երկրամասում՝ Թամանի թերակղզում, երկու նավամատույց և երկու նավ է վնասվել: Բռնկվել է հրդեհ:
Բացի այդ, Մոսկվայում սպանվել է Ռուսաստանի զինված ուժերի գլխավոր շտաբի օպերատիվ պատրաստության վարչության պետ գեներալ Ֆանիլ Սարվարովը: Առավոտյան ժամը 7-ին ավտոկայանատեղիում նրա մեքենան պայթել է: Ըստ ՌԴ քննչական կոմիտեի՝ դիտարկվում է այն վարկածը, որ սպանությունն իրականացվել է ուկրաինական հատուկ ծառայությունների կողմից:
Մանրամասները՝ միջազգային տեսաշարում:
Հեղինակ՝ Սյուզաննա Չրաղյան
