Քրեական ոստիկանության գլխավոր վարչությունում տեղեկություններ էին ստացվել, որ Տիգրան Մեծի պողոտայի 33-ամյա մի բնակիչ «Մերսեդես» մակնիշի իր մեքենայում ապօրինի զենք և ռազմամթերք է պահում։
Ձեռք բերված օպերատիվ տվյալների իսկությունը ստուգելուց հետո հունվարի 10-ին կասկածվողը, մեքենայով հանդերձ, բերման ենթարկվեց ոստիկանության Էրեբունու բաժին: Մեքենայից հայտնաբերվեց երկու ատրճանակ, ձայնային լուսարձակի երկու փամփուշտ, «ֆ-1» տիպի նռնակներ՝ պայթուցիչով, սվին-դանակ, որսորդական դանակ, գիշերային հեռադիտակ և 7,62 մմ տրամաչափի ինքնաձիգի 72 փամփուշտ, որոնք առգրավվեցին։
Նշանակվել է դատաձգաբանական փորձաքննություն: Հանգամանքները քննությամբ պարզվում են։
