Անցյալ տարվա դեկտեմբերից Չինաստանում ծնունդ առած կորոնավիրուսի համավարակի սկզբից մինչ օրս ամբողջ աշխարհում մահացել է 1 մլն 750780 մարդ: Այս մասին տեղեկացնում է Associated France Press գործակալությունը:
Ամբողջ աշխարհում գրանցվել է կորոնավիրուսով վարակման 79 մլն 758000 դեպք, որոնցից 50 մլն 405700-ն ապաքինվել են:
Վիճակագրական տվյալների համաձայն՝ վերջին մեկ օրում մահացության ամենաբարձր ցուցանիշն արձանագրվել է Միացյալ Նահանգներում, Մեքսիկայում և Մեծ Բրիտանիայում:
Մահացության ընդհանուր ցուցանիշով Միացյալ Նահանգներին հաջորդում են Բրազիլիան, Հնդկաստանը, Մեքսիկան, Իտալիան:
100 հազար բնակչության հաշվով՝ մահացության ամենաբարձր ցուցանիշը գրանցվել է Բելգիայում, Սլովենիայում, Բոսնիա-Հերցեգովինայում, Իտալիայում և Հյուսիսային Մակեդոնիայում:
