1lurer.am-ը հավաքել է Արցախի հետ շփման գծում Ադրբեջանի սանձազերծած ռազմական գործողությունների ժամանակագրությունը: Ավելի վաղ ներկայացրել էինք նաև սեպտեմբերի 27-ի, 28-ի, 29-ի, 30-ի, հոկտեմբերի 1-ի, 2-ի, 3-ի, 4-ի, 5-ի, 6-ի, 7-ի, 8-ի, 9-ի, 10-ի , 11-ի դեպքերի քրոնիկոնը:
Թալիշ գյուղն ադրբեջանական վերահսկողության ներքո չէ, իսկ Քարվաճառում մարտական գործողություններ են ընթանում. Հովհաննիսյան
Արծրուն Հովհաննիսյանը հայտնեց, որ այսօր խոցվել են հակառակորդի 3 ԱԹՍ, 3 զրահատեխնիկա և 1 ինքնաթիռ, մոտ 200 ադրբեջանցի է սպանվել։
Հադրութ քաղաքը գտնվում է մեր զինված ուժերի լիարժեք վերահսկողության տակ. ՊՆ ներկայացուցիչ
«Վաղ առավոտյան հարձակողական գործողությունները սկսվել են 3-4 ուղղություններով։ Մարտակերտի ուղղությամբ կիրառվել են նաև ծանր հրետանային միջոցներ։ Ամբողջ օրվա ընթացքում Ադրբեջանի զինված ուժերի ռազմաօդային ուժերը թուրքական օդուժի պատսպարման աջակցության, հետախուզական կետերի աջակցության տակ՝ կիրառելով բազմատեսակ մարտական հարվածային ԱԹՍ-ներ, կատարել են նաև 36 մարտական թռիչք, որոնց ընթացքում հյուսիսային ուղղությամբ մեր հակաօդայիններին հաջողվել է խոցել մեկ Սու-25 գրոհիչ»,- ժամը 22։00-ին մեկնարկած ասուլիսի ընթացքում ասաց Արծրուն Հովհաննիսյանը։
Ստեփանակերտում հայտնաբերվել են թուրքական և իսրայելական արտադրության 673 ռումբ
Արցախի արտակարգ իրավիճակների պետական ծառայության փրկարար ուժերի վարչության սակրավորական խմբերը շարունակում են չպայթած ռումբերի և ականների որոնման, միաժամանակ դրանց վնասազերծման աշխատանքները՝ տեղեկացնում են ԱՀ արտակարգ իրավիճակների պետական ծառայությունից: Միայն Ստեփանակերտում արդեն հայտնաբերվել են թուրքական և իսրայելական արտադրության հրթիռային, հարվածային և կասետային 673 ռումբ:
Արցախում քաղաքացիական զոհերի թիվն առնվազն 31 է․ ԱՀ ՄԻՊ
Վերջին օրերին հիվանդանոցում մահացել է 3 խաղաղ բնակիչ: Թվիթերի իր միկրոբլոգում գրել է Արցախի մարդու իրավունքների պաշտպան Արտակ Բեգլարյանը՝ տեղեկացնելով, որ այսօր իր անձնակազմից տեղեկացել է այդ 3 նոր չզեկուցված մահվան դեպքերի մասին: Բեգլարյանը շեշտել է, որ այդ անձինք մահացել են Ադրբեջանի ռազմական գործողությունների հետևանքով:
Արցախի ՊԲ-ն հրապարակել է նահատակված զինծառայողների անուններ
Արցախի ՊԲ-ն հրապարակել է ադրբեջանական ագրեսիան հետ մղելու ընթացքում զոհված զինծառայողների անունները։
Արցախի հարավային ուղղությամբ հակառակորդը շարունակում է նախահարձակ գործողությունները. ՊԲ-ն համարժեք պատասխանում է
ԱՀ նախագահի խոսնակ Վահրամ Պողոսյանը նշել է, որ հակառակորդն անտեսում է Մոսկվայում ձեռք բերված հրադադարի պայմանավորվածությունը և շարունակում է հարձակումներ ձեռնարկել:
ՊԲ-ն հրապարակել է զոհված զինծառայողների նոր անուններ
Հակառակորդի առաջապահ ստորաբաժանումները կրկին անցել են նախահարձակ գործողությունների
Առաջնագծի տարբեր ուղղություններով թշնամու առաջապահ ստորաբաժանումները կրկին անցել են նախահարձակ գործողությունների: Պաշտպանության բանակը դրանք կասեցնելու համար համարժեք քայլեր է իրականացնում` տեղեկացրել է ԱՀ նախագահի խոսնակ Վահրամ Պողոսյանը:
Ադրբեջանական կողմի կորուստները․ 12.10.20 (ժամը 11։00-ին)
Ադրբեջանական կողմի կորուստներն այսօրվա դրությամբ կազմել են՝ 16 ուղղաթիռ, 168 ԱԹՍ, 514 զրահատեխնիկա, 17 ինքնաթիռ, 4 «Սմերչ» և 4919 զոհ:
Ադրբեջանը մեծաքանակ ուժերով փորձել է ներխուժել Հադրութ
Հադրութի հատվածում լայնածավալ մարտական գործողությունները շարունակվում են: Թշնամին, մեծաքանակ ուժեր կենտրոնացնելով այդ ուղղությամբ, ամեն կերպ փորձում է ներխուժել քաղաք: Պաշտպանության բանակը ամեն թիզ հողի համար ծանր մարտեր է մղում՝ հայտնել է ԱՀ նախագահի խոսնակ Վահրամ Պողոսյանը:
Հակառակորդն ունի մարդկային ուժի և զինտեխնիկայի մեծաթիվ կորուստներ. ԱՀ ՊԲ
Գիշերվա ընթացքում հարաբերական կայուն լարվածությունը պահպանվել է ճակատային գծի բոլոր ուղղություններում: Հակառակորդը ակտիվություն է դրսևորել հատկապես հյուսիսային, հյուսիսարևելյան և հարավային ուղղություններում: Օպերատիվ-մարտավարական իրադրությունը իր օգտին փոփոխության ենթարկելու թշնամական ուժերի բոլոր փորձերը կասեցվել են ՊԲ ստորաբաժանումների կողմից՝ հաղորդում են Արցախի Հանրապետության պաշտպանության բանակից։
Հակառակորդն առավոտյան ինտենսիվորեն հրետակոծել է հարավային առաջնագիծը
Գիշերվա ընթացքում արցախա-ադրբեջանական հակամարտության գոտում իրադրությունը եղել է հարաբերական կայուն-լարված: Հակառակորդն այժմ ինտենսիվորեն հրետակոծում է հարավային առաջնագիծը՝ Ֆեյսբուքում գրել է պաշտպանության նախարարության մամուլի խոսնակ Շուշան Ստեփանյանը։
