Ադրբեջանի ռազմական ագրեսիան․ դեպքերի քրոնիկոնը․ 07․10․2020 (ՕՐ 11-րդ)

«Հակառակորդի մոտ 60-80 զրահատեխնիկա միայն խոցվել էր, զգալի թվով, չգիտեմ հստակ՝ թե որքան, սարքին տեխնիկա էր մնացել մեր զինված ուժերի ձեռքին, բայց քանի որ այդ տվյալներն ունենալուց հետո մարտերը շարունակվում են, վստահ եմ, որ դրանց թվերն աճել են»,-  տեղեկացրեց ՀՀ ՊՆ ներկայացուցիչ Արծրուն Հովհաննիսյանը։

Հաջողվել է հակառակորդին մի քանի հատվածներում շեշտակի հարվածներ հասցնել․ Հովհաննիսյան

Երեկոյան՝ 22։00-ին անցկացվող ճեպազրույցի ընթացքում, ներկայացնելով արցախա-ադրբեջանական սահմանի օպերատիվ իրավիճակը՝ Հովհաննիսյանը նշեց, որ ողջ օրը սահմանի հարավային շրջանում ընթացել են թեժ մարտեր։ Եվ հիմա էլ դրանք շարունակվում են։

«Այս փոքրամարմին ու մանկադեմ ՀՍԿԱՆ Դոխոյան Հարությունն է։ Նա մեր հերոսներից է։ Նա խոցել է 5 տանկ, 1 ՀՄՄ և 1 ՏՕՍ»,- գրել է ՀՀ ՊՆ ներկայացուցիչ Արծրուն Հովհաննիսյանը՝ Ֆեյսբուքի էջում տեղադրելով նաև Դոխոյանի լուսանկարը:

Ադրբեջանական բանակի հենակետերի ու կրակակետերի ոչնչացումը

Տեսանյութ

Արցախի բնակչության հրթիռակոծումը 

«Լուրերի»  ֆոտոշարքը: 

Ապացույց, որ թուրքական իշխանությունները տարածաշրջանը փորձում են վերածել ահաբեկչական որջի․ Պողոսյան

«Հետախուզության տվյալներով՝ Թուրքիայի նախագահ Ռեջեփ Էրդողանը պայմանավորվածություն է ձեռք բերել Աֆղանստանի Իսլամական կուսակցության առաջնորդ Գուլբեդդին Հիքմեթիյարի հետ Արցախի դեմ պատերազմում ահաբեկչական նոր խմբավորումների ներգրավման մասին: Ըստ աղբյուրի՝ վարձկան-ահաբեկիչներն առաջիկա օրերին կտեղափոխվեն Ադրբեջան»,- հայտարարել է ԱՀ նախագահի մամուլի խոսնակ Վահրամ Պողոսյանը:

Հակառակորդի զորքերի ոչնչացման և փախուստի հերթական կադրերը՝ ԱՀ ՊԲ-ից

Տեսանյութ

Հայրենիքի պաշտպանության առաջնագծում

Տեսանյութ

ՊԲ-ն հրապարակել է նահատակված զինծառայողների անունները

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված զինծառայողների անուններ:

Թշնամու գրեթե կազմալուծված զորամիավորումները խուճապից կորցրել են իրավիճակի կառավարումը և կրակում են միմյանց վրա. Պողոսյան

«Զորքի ոգևորության ալիքը գնալով «անկառավարելի» է դառնում։ Պաշտպանության բանակը շարունակում է փայլուն կատարել իր առջև դրված մարտական խնդիրը»,- գրել է ԱՀ նախագահի խոսնակը։

Ջախջախվել է երեք բրիգադ՝ իր գրեթե ամբողջ հարձակողական ներուժով, զրահատեխնիկայով, անձնակազմով. Հովհաննիսյան

«Ստեփանակերտը, ցավոք, այս պահին հրթիռակոծվում է, մարտական ԱԹՍ-ների և հրթիռների միջոցով հարվածներ են հասցվում խաղաղ բնակիչներին: Պաշտպանության բանակը հաջողություններ ունի նաև հյուսիսային ուղղությամբ՝ դիրքեր է ազատագրել»,- ասել է Արծրուն Հովհաննիսյանը:

Ադրբեջանի կորուստները. նոր տվյալներ

Ադրբեջանի կորուստները հոկտեմբերի 6-ի ժամը 21:00-ի դրությամբ․ ինֆոգրաֆիկա

Մեր զորքերը շարունակում են վստահ հաղթանակներ տանել տարբեր ճակատներում. Արծրուն Հովհաննիսյան

«Տեսանյութը հրապարակվեց րոպեներ առաջ: Դուք կարող եք տեսնել, թե ինչպես է խոցվում ադրբեջանական նավթամթերքի մեծ բազա: Եվ տարօրինակն այն է, որ պատերազմի 11-րդ օրն է ընթանում, և նավթամթերքի բազայի հարևանությամբ գտնվում է զորանոց, որտեղ, ըստ էության, ոչնչացել են մոտավորապես 200 զինծառայողներ՝ գտնվելով նավթամթերքի բազայի հարակից տարածքում»,- գրել է Հովհաննիսյանը:

Հակառակորդի հերթական վառելիքաքսուքային խոշոր բազան օդ հանվեց. Ստեփանյան

Տեսանյութ

ՊԲ-ն հրապարակել է նահատակված զինծառայողների անունները

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված զինծառայողների անունները: 

Վառելիքաքսուքային պահպանման խոշոր բազայի ոչնչացումը