Հայ-ադրբեջանական սահմանին պայմանագրային զինծառայող է վիրավորվել,- 1lurer.am-ին հայտնել է Պաշտպանության նախարարության մամուլի խոսնակ Շուշան Ստեփանյանը:
«Հակառակորդն առաջինն է կրակ բացել հայկական դիրքերի ուղղությամբ, ինչի հետևանքով էլ մեկ վիրավոր ունենք։ Զինծառայողը թեթև վնասվածք է ստացել, կյանքին վտանգ չի սպառնում»,- ասել է նա:
«Ադրբեջանական կողմի զոհերի կամ վիրավորների մասին տեղեկություններ չկան, իսկ խոսակցությունները, թե առաջինը հայկական կողմն է կրակել, հակառակորդի տեղեկատվական սադրանքն է: Այժմ իրավիճակը սահմանին հանգիստ է»,- ընդգծել է ՊՆ խոսնակը:
