ՀՀ Ազգային ժողովի աշխատակազմի ղեկավար-գլխավոր քարտուղար Տիգրան Գալստյանը Ֆեյսբուքի էջում գրել է, որ Հայաստանի Ազգային ժողովի աշխատակազմը պլանավորել և հնարավորինս արագ իրականացնելու է հակահամաճարակային հետևյալ գործողությունները.
- բոլոր մասնաշենքերի և անցակետերի ախտահանում.
- բոլոր աշխատակիցների ջերմության ստուգում օրական 3 անգամ.
- վերջին ամինսներին արտերկիր մեկնած աշխատակիցներին տնային պայմաններում առցանց աշխատելու թույլտվություն.
- դիմակների ձեռք բերում եւ անվճար տրամադրում աշխատակիցներին եւ պատգամավորներին.
- բոլոր հնարավոր հարմար տեղերում ալկոգելերի տեղադրում.
- ճաշարանից օգտվելու պայմանների փոփոխություն.
- բոլոր աշխատասենյակներում համաճարակից պաշտպանվելու տեղեկատվական նյութերի փակցնում, սենյակների անընդհատ օդափոխում:
