COP17-ին ընդառաջ՝ շրջակա միջավայրի նախարար Համբարձում Մաթևոսյանը հանդիպել է Տաջիկստանի Հանրապետության կառավարությանն առընթեր շրջակա միջավայրի պահպանության կոմիտեի նախագահ Բահոդուր Շերալիզոդայի հետ։
Քննարկել են էկոհամակարգերի պահպանության, վերականգնման, կենսաբազմազանության մշտադիտարկման, գիտատեխնիկական համագործակցության ընդլայնման և կենսառեսուրսների կայուն կառավարման ոլորտներում համագործակցության հնարավորությունները։
Անդրադարձել են նաև Սևանա լճի էկոհամակարգի պահպանությանը և այս ուղղությամբ փորձի փոխանակմանը։
Նախարարը ներկայացրել է COP17-ում Հայաստանի նախագահության նախաձեռնությունները՝ կարևորելով փորձի փոխանակումն ու համատեղ գործնական քայլերը։
