ԱՄՆ նախագահը հրամանագիր է ստորագրել, որով դադարեցվում է Ռուսաստանի դեմ «դժոխային պատժամիջոցների» մասին օրենքով մի շարք մասշտաբային սահմանափակումների կիրառումը:
Օրենքը ստորագրվել էր 2026 թվականի սեպտեմբերի վերջին և Դոնալդ Թրամփին պարտավորեցնում էր սահմանափակող միջոցներ սահմանել մինչև հոկտեմբերի 18-ը, սակայն նրան թույլ էր տալիս դադարեցնել գործընթացը, եթե դա բխում է ԱՄՆ ազգային շահերից:
Այժմ Թրամփը դադարեցրել է ռուսական ապրանքների համար 500 տոկոս լրացուցիչ մաքսատուրքերը, ինչպես նայև այն երկրների ապրանքների համար 100 տոկոս մաքսատուրքերը, որոնք մտնում են Դաշնությունից նավթի և գազի հիմնական գնորդների թոփ հնգյակի մեջ և ակտիվորեն օգնում են Մոսկվային պատժամիջոցների շրջանցման հարցում:
Հրամանագիրը կգործի այնքան ժամանակ, քանի դեռ ԱՄՆ նախագահը և պետքարտուղարը, խորհրդակցելով ֆինանսների նախարարի և առևտրային ներկայացուցչի հետ, չեն հանգի այն եզրակացության, որ պատժամիջոցները պետք է վերականգնվեն:
