Այսօր կայացավ Կադաստրի կոմիտեի ղեկավարին կից հասարակական խորհրդի հերթական նիստը, որի ընթացքում քննարկվեցին գնահատման ոլորտի զարգացման ծրագրում ուսումնամեթոդական ապահովման բարելավման և մասնագիտական գործունեության թվայնացման ուղղությունների ներառման հարցերը, ինչպես նաև «Հայաստանի Հանրապետության քաղաքացիական օրենսգրքում լրացումներ և փոփոխություններ կատարելու մասին» օրենքով սահմանված իրավակարգավորումները, որոնց համաձայն՝ հնարավորություն է տրվում առանց նոտարական վավերացման էլեկտրոնային եղանակով կնքել անշարժ գույքի գրավի խառը տիպային պայմանագրեր՝ բանկի կամ վարկային կազմակերպության մասնակցությամբ։
Կոմիտեից հայտնում են, որ քննարկումների ընթացքում խորհրդի անդամները ներկայացրին իրենց դիտարկումներն ու առաջարկությունները՝ անդրադառնալով օրակարգային հարցերին, ոլորտային գործընթացների կատարելագործման հնարավորություններին և օրենսդրական կարգավորումների բարելավմանն ուղղված նախաձեռնություններին։
