Ռուսաստանի և Ադրբեջանի հարաբերությունները զարգանում են բարիդրացիության, փոխադարձ հարգանքի և միմյանց շահերը հաշվի առնելու սկզբունքների հիման վրա: Այդ մասին «ՌԻԱ Նովոստի»-ի հետ հարցազրույցում հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը:
«Շատ ուրախ ենք, որ միասին կարողացանք շրջել 2024 թվականի դեկտեմբերին տեղի ունեցած ավիավթարի հետ կապված էջը, որը մեզ համար ընդհանուր ողբերգություն դարձավ և խլեց Ադրբեջանի, Ռուսաստանի և Ղազախստանի քաղաքացիների կյանքը», - ասել է Կալուգինը։ Նրա խոսքով՝ դա հնարավոր չէր լինի առանց Ռուսաստանի նախագահ Վլադիմիր Պուտինի և Ադրբեջանի նախագահ Իլհամ Ալիևի միջև վստահելի երկխոսության:
Պաշտոնյան նաև շեշտել է՝ Ռուսաստանը չի պարտադրում իր միջնորդությունը Հայաստանին և Ադրբեջանին, սակայն պատրաստ է բարեկամաբար ցուցաբերել աջակցություն խաղաղության հասնելու համար:
«Միշտ պատրաստ ենք բարեկամաբար արձագանքել Երևանի և Բաքվի խնդրանքին՝ աջակցություն ցուցաբերելու Հարավային Կովկասում շուտափույթ խաղաղության և բարեկեցության հասնելու համար», - ասել է Կալուգինը։
