ԱՄՆ նախագահ Դոնալդ Թրամփը հայտարարել է, որ դիտարկում է դիզելային վառելիքի մատակարարումների արգելքը և ամեն օր քննարկումներ է անցկացնում այդ հարցի շուրջ: Նրա խոսքով՝ դրա հետևանքով բենզինի գինը կարող է բարձրանալ, սակայն դիզելի գինը փոքր-ինչ կնվազի:
Թրամփը ևս մեկ անգամ նշել է, որ դիզելի գնի աճը պայմանավորված է ռուս-ուկրաինական հակամարտությամբ, ոչ թե Մերձավոր Արևելքում տիրող իրավիճակով:
ԱՄՆ էներգետիկայի նախարար Քրիս Ռայթը, սակայն, հայտարարել է, որ մատակարարումների խափանումներն ավելի մեծ աշխարհագրություն են ընդգրկում:
«Մենք որոշ չափով զրկվել ենք Մերձավոր Արևելքից դիզելի մատակարարումներից, չնայած վերականգնում ենք դրանք, նաև զրկվել ենք Չինաստանից դիզելի մատակարարումներից», - հայտարարել է պաշտոնյան:
Եվրոպայից մտահոգություններ են հնչել Վաշինգտոնի կողմից դիզելի արտահանման հնարավոր արգելքի առչնությամբ:
