Լուկաշենկոն ընդունել է ԱՄՆ նախագահի հատուկ ներկայացուցչին

Բելառուսի նախագահ Ալեքսանդր Լուկաշենկոն ընդունել է ԱՄՆ նախագահի հատուկ ներկայացուցիչ Ջոն Քոուլի գլխավորած պատվիրակությանը:

Նախագահը նշել է, որ Բելառուսի հասարակությունը մեծ հետաքրքրություն է ցուցաբերում ամերիկացի պաշտոնյայի այցի հարցում, իսկ հարևանները և այլ պետությունների ղեկավարները ուշադիր հետևում են հանդիպմանը:

Ջոն Քոուլն էլ փոխանցել է ԱՄՆ նախագահ Դոնալդ Թրամփի ողջույնը։

2025 թվականից Ջոն Քոուլի այցերը Բելառուս հաճախակի են դարձել: Յուրաքանչյուր այցից և Լուկաշենկոյի հետ հանդիպումներից հետո Բելառուսի իշխանություններն ազատ են արձակել կալանավորված անձանց, որոնց ամերիկյան կողմը համարում է քաղբանտարկյալներ: Ընդհանուր առմամբ, ազատ է արձակվել ավելի քան 400 մարդ: