Արձագանքելով Լարակ կղզում երկու հրթիռային կայանքի վրա ամերիկյան հարվածներին՝ ԻՀՊԿ-ն սպառնացել է, որ ԱՄՆ-ն «կվճարի դրանց համար ինչպես տնտեսական, այնպես էլ ռազմական ճակատում»: Հայտարարությունը տարածել է իրանական Fars պետական լրատվական գործակալությունը։
ԻՀՊԿ-ի հետ կապված իրանական Tasmin գործակալությունն էլ հայտնել է, որ ամերիկյան կողմը հարվածել է ԱԹՍ-ով, ինչի հետևանքով երկու մարդ զոհվել է, ևս երկուսը վիրավորվել:
ԱՄՆ հարձակումից ժամեր անց Իսլամական հեղափոխության պահապանների կորպուսը հայտնել Է Հորդանանի տարածքում ԱՄՆ երկու ռազմաբազայի հրթիռակոծման մասին։ Իրանական կողմի տվյալով՝ թիրախները եղել են տեխնիկական ենթակառուցվածքի օբյեկտներ, տեխնիկական սպասարկման կետեր և կործանիչների դիրքերը: Հորդանանի բանակն իր հերթին հայտարարել է Թագավորության օդային տարածքը խախտած 8 հրթիռ որսալու մասին:
